"கூடங்குளத்தில் தொடங்க இருக்கிற அணு உலையானது தென் தமிழகம், மற்றும் வட இலங்கையில் வாழும் மக்களின் வாழ்வையும், வாழ்வாதாரத்தையும் அழிக்கக் கூடியது. இந்த அணுமின் நிலையம் நிலம், நீர், காற்று ஆகியவற்றை மாசுபடுத்தி மனிதர்களுக்கு பல்வேறு நோய்களை ஏற்படுத்தும். எனவே, கூடங்குளம் அணுமின் நிலையத்தை மூட வலியுறுத்தி இடிந்தகரை கோயில் முன் செப்டம்பர் 11-ம் தேதி முதல் காலவரையற்ற உண்ணாவிரதப் போராட்டத்தில் ஈடுபட முடிவு செய்துள்ளதாக அணு சக்திக்கு எதிரான மக்கள் இயக்கம் தெரிவித்துள்ளது .
இந்த போராட்டத்தில் தமிழர் களம் , கோட்டாறு , பாளையங்கோட்டை , தூத்துக்குடி மறை மாவட்ட ஆயர்கள் , அனைத்து கடற்கரை கிராம மக்கள் , கூடங்குளம் பகுதி பொதுமக்கள் , கடலோர மக்கள் கூட்டமைப்பு , தமிழ்நாடு புதுவை மீனவர் கூட்டமைப்பு , உள்ளிட்ட பல்வேறு பொதுநலன் அமைப்புகளும் , பொதுமக்களும் திரளாக கலந்து கொள்வார்கள் என தமிழர் களத்தின் மாநில பொது செயலாளர் திரு . அரிமாவளவன் அறிவித்துள்ளார் .
செய்தி : ஊடகபிரிவு , தமிழர் களம் .
கருத்துகள் இல்லை:
கருத்துரையிடுக