கவிதை:
நாங்கள் தமிழர்கள்
வாழ்வின்
வரலாறரியாதவர்கள்,
அதனாலோ என்னோவோ
கரீபியன் தீவு வரை
கடத்தப்பட்டு
தொலைந்துபோனோம்!
இன்றும்கூட
ஏமாளிகள்தான்
நாகரிக
கோமாளிகளால்
நையாண்டி செய்யப்பட்டு
வேதனையை மட்டுமே
விலையாகப் பெறுகிறோம் !
என்றுமே
எங்களுக்கு
ஏற்றதாக
இருந்ததில்லை
தலைமை!
வந்தேறிகளால்
வாழ்விழந்தோம்
சொந்த பூமியில்
தொலைந்து போகிறோம்!
ஆனாலும் நாங்கள்
தமிழர்கள்தான்!
இலவசம்
எதற்கென்றாலும்
எப்படியேனும்
பெறதுடிப்போம்!
எங்களை நாங்கள்
நம்ப தயாரில்லை
அதனாலே
நாட்டாமை தேடி
அலைகின்றோம்!
கண்ணகி வாழ்ந்தபூமி
கலைகள் செழித்த பூமி
நெற்களஞ்சியம் பெற்றபூமி;
கண்ணகியை வழிபடவே
விழி பிதுங்குகிறோம்!
நெற்களஞ்சியம்
சொற்களில்மட்டும்தான்!!
கலைகள் காம களியட்டமாகிவிட்டன
காவிரியை பற்றி கவலையில்லை
முல்லை பெரியாற்றையும்
பவானியையும்
இன்ன பிற
நீராதாரங்களையும்
வேனிற் காலத்தில் மட்டுமே
பேசிகொன்டிருப்போம்!
எதை பற்றியும்
எங்களுக்கு
கவலையில்லை
விவசாயம்
நெசவு ரெண்டும் கெட்டால்
இருக்கவே இருக்கு
தொழிற்பூங்கா
ரிலையன்சும் வால்மார்ட்டும்
வந்தாலென்ன போனாலென்ன
குடிப்பது கூல்தான் என்றாலும்
நாங்கள்
பல் இளிப்பது
பெப்சிக்காகவும்
கோலாவிற்காகவும்தான்
கூத்தாடி பூமி இது
எப்படியேனும்
நசுக்கபட்டாலும்
ரசிகர்மன்ற கொடிபிடிப்போம்
நாய்களாய்
அலைவோம் திரிவோம்
நங்கள் தமிழர்கள்!!!
-- கருவை முருகு
தமிழகத்தில் மாற்றினத்தார் கொற்றம் குறித்த விழிப்புணர்வை ஏற்படுத்தவும், தெளிவான தமிழ்தேசிய அரசியலை முன்னெடுத்துச் செல்லவும், உலகெல்லாம் உள்ள தமிழருக்கான இன்னல்களுக்கு குரல் கொடுக்கவும் ஏற்படுத்தப்பட்ட இயக்கமே தமிழர் களமாகும். இதன் மூலம் பரப்புரைகளும், நிகழ்வுகளும், புத்தக வெளியீடுகளும் செய்யப்பட்டு வருகின்றன. மேலும் நம் வேர்கள் என்னும் மாத இதழும் வெளியிட்டு வருகிறோம். பல இன்னல்களுக்கு இடையிலும் துயருறும் தமிழினத்தை மீட்கவேண்டும் என்ற தணியா வேட்கையுடனும் களப்பணியாற்றி வருகின்றது தமிழர் களம்.
கருத்துகள் இல்லை:
கருத்துரையிடுக