பூண்டோம் இலட்சியப்பயணம்
பூத்துக் குலுங்குவது எங்கனம்
கண்ட கனவுகளோடு
கண்ழூடித்தூங்கி விட்டோமா?
கண்டம் கண்டமாய்
கண்ணீரும் கம்பலையுமாய்-நாம்
துண்டங்களாகும் உறவுகளுக்காய்
துடித்தழுதும் உணரவில்லையா?
முண்டங்களாகி குவியும்-மனிதத்தை
முடிவுக்குக் கொணரல் எவ்வழி
சண்டையிலே இளைத்தவரா நாம்
சரனாகதி அடைவதற்கு
குண்து போடும் வானூர்தியை-எம்
குடிலுக்குள் வர ஏன் விட்டோம்
துண்டுகளாக நொருக்கி விட முடியாமலா-இல்லை
தூங்கிவிட்டோம் கரம் இனைக்க
கொண்டு வந்த தென்ன-இக்
கொடுமை மிகு அகதி வாழ்வுக்காய்
நண்டு போல சுருங்கி வாழ்வதுதான்
நாகரீகமானதென்றால்-நம்தேச
வண்டினங்கள் கூட -எம்மை
வசைபாடித் திரியாதா?
பிண்டம் கொடுத்தொடு கிரிகை செய்தால்
பெற்றவர் கடன் தீருமா?
முண்டு கொடுத்து நிற்போம்
முழுமனதோரு ஈழத்தாய்க்காக
தண்டம் கேட்க வந்தோர்
தலையெல்லாம் சிதறுமென்று
உண்ட சோற்றின் மேல்
உறுதியிட்டு சங்கமிப்போம்
ரவிச்சந்திரன்: Germany
தமிழகத்தில் மாற்றினத்தார் கொற்றம் குறித்த விழிப்புணர்வை ஏற்படுத்தவும், தெளிவான தமிழ்தேசிய அரசியலை முன்னெடுத்துச் செல்லவும், உலகெல்லாம் உள்ள தமிழருக்கான இன்னல்களுக்கு குரல் கொடுக்கவும் ஏற்படுத்தப்பட்ட இயக்கமே தமிழர் களமாகும். இதன் மூலம் பரப்புரைகளும், நிகழ்வுகளும், புத்தக வெளியீடுகளும் செய்யப்பட்டு வருகின்றன. மேலும் நம் வேர்கள் என்னும் மாத இதழும் வெளியிட்டு வருகிறோம். பல இன்னல்களுக்கு இடையிலும் துயருறும் தமிழினத்தை மீட்கவேண்டும் என்ற தணியா வேட்கையுடனும் களப்பணியாற்றி வருகின்றது தமிழர் களம்.
கருத்துகள் இல்லை:
கருத்துரையிடுக